Itutumba ako sa kulungan - Zaldy Co
MANILA, Philippines — Ipakukulong umano siya ng administrasyon ni Pangulong Ferdinand Marcos Jr. at magha-hire ng pulis na assassin para barilin siya sa loob ng kulungan kapag umuwi siya sa bansa.
Sa ikatlong bahagi ng inilabas na video ni Co, sinabi nito na plano umano siyang ipa-“rubout” kapag umuwi siya sa Pilipinas.
“It will be dangerous for me to come home. They will hire someone to do a rubout on me or to hire a police to kill me in jail,” ani Co.
Dahil aniya sa death threat, ayon kay Co ay nag-atubili siyang umuwi sa bansa kaya’t nag-upload na lamang ng video sa Facebook na ipinadala sa mga reporters ng Kamara.
Ayon kay Co, Marso pa lamang ay tumawag sa kaniya si dating Speaker Martin Romualdez na sinabing ‘he will shoot me’ pag umuwi ako at ayon dito ay pinagsabihan siyang huwag nang umuwi dahil masyadong mapanganib umano.
Aniya, alam niyang sa kaniyang inilantad ay lalong dumarami ang banta sa kaniyang buhay at ng kaniyang pamilya.
Sinabi ni Co na sana umano ay hindi siya mapatay bago niya mailabas ang lahat dahilan ginawa lamang ang utos sa kaniya at handa na siyang harapin ang isyu.
- Latest
