DA inalis na poultry import ban sa 6 na bansa

MANILA, Philippines — Tinanggal na ng Department of Agriculture (DA) ang temporary ban para sa importation ng domestic at  wild birds mula sa anim na bansa na naapektuhan ng Bird Flu.

Ito ay makaraang magpalabas si Agriculture Secretary Francisco P. Tiu Laurel Jr. ng memorandum orders na pumapayag na ang Pilipinas upang maibalik ang poultry imports ng live birds - domestic at wild - lalo na ang pet o para sa zoo mula sa bansang Azerbaijan, Kazakhstan, Saudi Arabia, Slovenia, Sweden, Kelantan at Sabah, Malaysia.

Niliwanag ng DA na ang lifting ng ban ay dahil naresolba na at napigil na ang outbreak ng bird flu sa naturang mga bansa.

“All import transactions of the above commodities shall be in accordance with existing rules and regulations of the Department of Agriculture,” ayon sa pahayag ng DA.