VP Sara:Pangulong Marcos admin hindi na stable

MANILA, Philippines — Naniniwala si Vice President Sara Duterte na hindi na matatag ang administrasyon ni Pangulong Ferdinand Marcos Jr. sa gitna na rin ng alegasyon ng korapsiyon na sangkot ang mga mambabatas.

“No (not stable). Our institutions are clearly abused. They are used for personal gain. We have already seen the testimony of witnesses about corruption. And there is practically nothing happening in our country,” ani Duterte sa isang press conference sa Senado.

Dumalo si Duterte nitong Lunes sa Senado sa pagdinig ng panukalang P902.895 milyong budget ng Office of the Vice President para sa 2026.

Ayon kay Duterte, ilang beses na niyang sinabi na tigilan na ang pulitika at pangsariling interes dahil walang nangyayari sa bansa.

Wala rin aniyang mga proyekto na nakakatulong sa bayan.

Nawala na rin aniya ang plataporma ng “continuity” at hindi ipinagpatuloy ang mga proyekto ng nagdaang administrasyon.

“Ang expectation noon is that there will be continuity on the projects, like the Build, Build, Build projects of the former administration at ‘yung mga iba pa na nasimulan ni dating Pangulong Rodrigo Duterte, pero wala naman tayong nakita,” ani Duterte.