Atong, Ret. Judge hinamon ni ‘Totoy’ sa lie detector test
MANILA, Philippines — “Sabay-sabay tayong magpa-lie detector test!”
Ito ang hamon ni whistleblower na si Julie Patidongan alyas “Totoy” kina gambling tycoon Charlie “Atong” Ang at Retired Judge Felix Reyes kaugnay ng kaso ng missing sabungeros.
Ayon kay Patidongan, lilitaw sa lie detector test kung sino sa kanila ang nagsasabi ng totoo sa pagdukot at pagpatay sa 34 na sabungero.
Aniya, bali-baligtarin man ang pagtatanong sa kanya, iisa lamang ang kanyang isasagot dahil alam niya ang nangyari sa mga sabungero.
Aminado si Patidongan na napilitan siyang isiwalat ang totoo dahil na rin sa banta umano ni Ang na ililikida siya kasama ang kanyang pamilya.
Samantala, nakatakdang magsampa ng kaso bukas sa National Police Commission (NAPOLCOM) si Patidongan laban sa mga pulis na sangkot sa kaso ng sabungero.
May hawak na umano ang NAPOLCOM ng listahan ng mga pulis na sinasabing may kinalaman sa pagkawala ng 34 sabungero mula 2021 hanggang 2022.
Kasalukuyang iniimbestigahan ng NAPOLCOM ang mga pulis na ito para sa kasong administratibo.
- Latest
