Suarez ng Quezon buo suporta kay Revilla

QUEZON PROVINCE, Philippines   — Matapos ang matagumpay na kampanya sa Lucena City, mainit na tinanggap ni House Deputy Speaker at Quezon 2nd District Representative David "Jay-Jay" Suarez si Senator Ramon "Bong" Revilla Jr., sa pagbabalik nito sa senado sa darating na Eleksyon 2025. Bilang Treasurer ng Lakas-Christian Muslim Democrats (Lakas-CMD), ipinahayag ni Suarez ang kanyang buong suporta kay Revilla, na siyang Chairman ng partido. Ayon kay Suarez, ang kanilang matibay na samahan sa partido ay sinusuportahan ng tatlong dekadang serbisyo publiko ni Revilla, na nagbunga ng mahigit 300 batas na naipasa, kabilang ang "Kabalikat sa Pagtuturo Act", "No Permit, No Exam Prohibition Act." at Expanded Senior Citizens Act na umaani ng pagkilalanat pagpupuri sa sektor ng mga mahihirap sa lalawigan ng Quezon.