50°C heat index posibleng pumalo - PAGASA

MANILA, Philippines — Maaaring pumalo sa 50°C ang heat index o init factor sa katawan sa ilang bahagi ng bansa ngayong panahon ng tag-init.

Sinabi ng PAGASA na posible ring makaranas ng hanggang 41°C heat index sa susunod na dalawang araw ang Metro Manila, habang posibleng umabot sa 48°C hanggang 50°C sa ilang bahagi ng bansa, laluna sa Abril o Mayo.

Nitong Miyerkules ay naideklara na ng PAGASA ang panahon ng tag-init nang kumawala na ang hanging amihan sa bansa.

Dahil tag-init na at wala na ang amihan ay hindi na mararanasan ang Easterlies o ang pag-ulan na dulot ng pagsasalubong ng mainit at malamig na hangin.

Gayunman maaari pa ring dumanas ng minsang pag-ulan sa bansa dahil sa thunderstorm.