Palasyo tiniyak transparency sa 2025 budget

MANILA, Philippines — Siniguro ng Malakanyang na transparent ang 2025 General Appropriations Act o GAA.

Ito ang tugon ng Palasyo sa panawagan ng Catholic Bishops Conference of the Philippines (CBCP) sa publiko na maging ‘lights of hope’ sa pamamagitan ng pag-reject sa national budget.

Sinabi ni Executive Secretary Lucas Bersamin, na hindi dapat kalimutan ng publiko na nag-veto si ­Pangulong Ferdinand Marcos Jr. ng P194 bilyon na isiningit sa budget.

“No president before him had ever so deeply and comprehensively purged the budget of unnecessary items,” saad pa ni Bersamin.

“No president before him had ever so deeply and comprehensively purged the budget of unnecessary items,” pahayag ni Bersamin. 

Bukod dito, inatasan din aniya ng Pangulo na mag-rechannel ng bilyong pondo para sa mga programa na may ­kinalaman sa social goods, ­magbibigay ng progreso at ­magsusulong ng ­kapakanan ng taumbayan.

“There are now stricter ­conditionalities for budget releases, ensuring alignment with national priorities and protection from partisan interests,” pahayag pa ng executive secretary.

Giit pa ni Bersamin na hindi kinakalimutan ni Pangulong Marcos na galing sa taong bayan ang budget kung kaya kailangan na kilalanin ang sakripisyo ng mga ito.