Pangulong Marcos nagpaabot ng pagbati kay Carlos Yulo
![Pangulong Marcos nagpaabot ng pagbati kay Carlos Yulo](https://media.philstar.com/photos/2024/08/04/carlos_2024-08-04_22-32-42.jpg)
MANILA, Philippines — Agad na binati ni Pangulong Ferdinand Marcos Jr. si Carlos Yulo matapos masungkit ang kauna-unahang gold medal para sa Pilipinas sa gymnastics sa 2024 Paris Olympics.
“Congratulations, Caloy! The entire country stands proud with you!,” pahayag ng Pangulo.
“We’ve witnessed history as Carlos Yulo clinched the Philippines’ first gold medal in artistic gymnastics at the Paris 2024 Olympics,” anang Pangulo. “I am confident that this will not be the last.”
Tinalo ni Yulo sina Artem Dolgopyat ng Israel na nakakuha ng silver medal at Jake Jarman ng Great Britain na nakakuha ng bronze medal.
Base sa Republic Act 10699 na nilagdaan noong 2015, ang mga makakasungkit ng gold medal sa Olympics ay tatanggap ng cash incentive na P10 milyon. Bibigyan naman ng P5 milyon ang makakapag-uwi ng silver medal at P2 milyon para sa bronze medal.
Inihayag din ng Megaworld na ang mga atleta na mag-uuwi sa bansa ng gold medal ay bibigyan nila ng special prize na isang condominium unit na nagkakahalaga ng P14 milyon.
Ang condo unit ay nasa 50-hectare McKinley Hill township sa Taguig City.
Ang two-bedroom unit ay fully furnished at malapit sa sikat na Venice Grand Canal.
- Latest