Patch ng Philippines flag, bahagi na ng battle dress uniform ng AFP

MANILA, Philippines — Magiging bahagi na ng AFP-wide battle dress uniform ang patch ng Bandila ng Pilipinas.

Ito naman ang sinabi ni AFP Chief of Staff Gen. Romeo Brawner Jr. na layong palakasin ang pagmamahal sa bayan at pagkakaisa.

Ani Brawner, ang nasabing patch ng watawat ng Pilipinas ay nagpapakita ng “patriotism” at “solidarity“ bilang malinaw na paalala ng pangako ng AFP na itaguyod ang soberenya at territorial integrity ng Pilipinas.

Naka-align din ito sa pagsisikap ni Pangulong Ferdinand Marcos Jr. na itaguyod ang national pride at pagkakaisa sa mga Pilipino.

Ang hakbang na ito ay isang pagpapakita rin ng determinasyon ng AFP na magbigay ng malinaw na representasyon sa pagtupad ng kanilang misyon nang may karangalan at integridad.