Pasok sa government offices half day na sa Marso 27
MANILA, Philippines — Sinuspinde na ang pasok sa gobyerno simula alas-12 ng tanghali, Marso 27 o Miyerkules santo.
Sa Memorandum Circular No. 45, na nilagdaan ni Executive Secretary Lucas Bersamin, ito ay para mabigyan ng oportunidad ang mga empleyado ng gobyerno na makauwi sa iba’t ibang probinsya para makapagnilay sa Semana Santa.
“To provide government employees full opportunity to properly observe Maundy Thursday and Good Friday on 28-29 March 2024 and to allow them to travel to and from the different regions in the country, work in government offices on 27 March 2024 is hereby suspended from 12:00 o’clock in the afternoon onwards,” nakasaad pa sa memo.
Habang tuloy naman ang serbisyo sa mga tanggapan na nasa basic at health services.
Ipinauubaya naman ng Palasyo ang pagsuspindi sa trabaho sa mga pribadong sektor.
- Latest
