SILIPIN: Mga eksena sa paglabas ng 2023 Bar Exam results
MANILA, Philippines — Emosyonal ang mga nangangarap maging abogado kasama ang kanilang pamilya't mga kaibigan habang inaabangang lumabas ang pangalan sa listahan ng mga pumasa sa 2023 Bar Exams sa Padre Faura, Maynila ngayong Martes.
Tanghali na nang lumabas ang resulta sa Supreme Court compound, bagay na naging hudyat sa sari-saring tilian, yakapan at iyakan sa ilalim ng init ng araw.
Kanina lang nang ianunsyo ni SC Associate Justice Ramon Paul Hernando, chairperson ng 2023 Bar Examinations, na 3,812 sa mga examinees ang magiging bagong abogado.
Matatandaang naganap ang mga pagsusulit sa 14 magkakaibang local centers sa buong bansa noongika-17, ika-20 at ika-24 ng Setyembre.
Silipin at panoorin ang mga eksena noong announcement ng 2023 Bar Exam results.
- Latest
