Bangkay ng bata nakita sa sementeryo ng Socorro ‘cult’

MANILA, Philippines — Natagpuan ang bangkay ng isang bata sa umano’y ilegal na sementeryo ng kulto sa Surigao del Norte. Ito ang nadiskubre sa ocular inspection na ginawa ng Senate Committee on Public Order and Dangerous Drugs sa Sitio Kapihan, Socorro Surigao del Norte.

Sinabi ni Senator Risa Hontiveros na ang bata ay anak ni alyas Dennis na namatay noong 2021 dahil ayaw umano ni Senyor Agila o Jay Rence Quilario, sinasabing lider ng kulto na ipagamot sa lungsod.

Inilibing ang bata sa isang puntod subalit kalaunan ay napag-alaman ni Dennis na nilipat pala sa naturang puntod.

Subalit dahil wala umano si alyas Dennis noong nilipat ay ngayon niya lang ulit nasulyapan ang bangkay ng kanyang anak.

Ang team ni Hontiveros ay kasalukuyang nasa Sitio Kapihan sa Socorro.