‘Papel’ ni Soriano sa tourism ad pinasisilip
MANILA, Philippines — Pinasisilip ng isang political strategist ang umano’y naging papel ni Presidential Adviser on Creative Communication Paul Soriano sa bagong proyekto ng Department of Tourism para i-promote ang bansa.
Kasunod ito ng mga ulat na nakialam umano si Soriano sa trabaho ng DDB advertising.
“If Paul Soriano is a creative person, a man of the culture and the arts, ought to know that politics or power play has no place in promoting our country’s culture, heritage, and natural endowments,” pahayag ni BenCyrus G. Ellorin, ng Mindanawon, Political Communications Strategist.
Aniya, tama si Albay Rep. Joey Salceda sa pagtatanong nito kung nasaan ang Mayon Volcano, na dapat ay naroroon sa promotional video na gumamit umano ng stock videos shot mula sa ibang mga bansa.
“As a Mindanawon, we also ask: ‘Where is Mindanao’? Is it No love for Mindanao?,” ani Ellorin.
Una nang sinilip ng isang blogger ang hindi bababa sa 5 eksena ang hindi kuha sa Pilipinas sa audio-visual presentation na ginawa ng DDB Philippines, bagkus ay stock footage mula sa Thailand, Switzerland, Indonesia at United Arab Emirates.
Naging dahilan ito para iutos ni DOT Secretary Christina Garcia-Frasco na kanselahin ang kontrata sa nasabing ad agency kasunod na rin ng pag-amin ng huli na gumamit ito ng “foreign stock footage”.
Kumalat din umano sa social media ang isyu na hindi rin pumayag si Soriano na lagyan ng comma ang slogan upang maging “Love, the Philippines”.
- Latest
