Taga-Bacoor, Cavite solong tinamaan halos P59-M lotto jackpot prize
MANILA, Philippines — Nag-iisang napalanunan ng isang Kabitenyo ang limpak-limpak na salapi matapos tamaan ang Superlotto 6/49 draw nitong Huwebes.
Kahapon lang nang makuha ng naturang mananaya ang lahat ng sumusunod na numero matapos ibola ng Philippine Charity Sweepstakes Office: 14-22-27-40-45-41.
"One (1) winning ticket was bought in Molino, Bacoor, Cavite," pagkukumpirma ng PCSO ngayong Biyernes.
Wala namang nakakuha ng P37.01 milyong jackpot ng Lotto 6/42 noong parehong araw ding iyon.
Sa kabila nito, hindi maiuuwi ng lucky winner ang kabuuan ng P58,995,238.20 jackpot prize. Kinalailangan kasing magbayad ng 20% tax ang mga nananalo ng lotto prizes na lagpas P10,000 alinsunod sa Tax Reform for Acceleration and Inclusion (TRAIN) Law.
"All winnings should be claimed within one year from the date of the draw otherwise the same would be forfeited to form part of the Charity Fund," paliwanag ng PCSO. — James Relativo
- Latest
