Chinese Embassy: Report na bagong construction sa Spratlys, ‘fake news’

MANILA, Philippines — Itinanggi ng China Embassy sa Maynila ang mga ulat na gumagawa ang China ng mga bagong construction at reclamations sa Spratly Islands sa West Philippines Sea (WPS).

Napaulat sa GMA News na sumang-ayon ang Chinese embassy sa tweet ng South China Sea (SCS) Probing Initiative na 100% fake news ang ulat na may mga bagong konstruksiyon sa WPS.

“100% Fake News. First, of the four features mentioned, Sandbars and formations of Lankiam Cay, Eldad Reef and Whitsun Reef naturally change every year. Second, Sandy Cay is occupied by Vietnam, where how ridiculous to blame China!” naka-post sa Twitter ng South China Sea (SCS) Probing Initiative.

Matatandaan na nagpahayag nang pag-aalala noong Miyerkules ang Department of Foreign Affairs (DFA) sa mga ulat na nagsasabing may mga aktibidad sa reclamation.

“The Department takes note of the Bloomberg article on reported reclamation activities by China in unoccupied features of the Spratlys,” anang DFA.

Sinabi pa ng DFA na kung totoo ang mga aktibidad, ito ay lumalabag sa “Declaration of Conduct on the South China Sea’s undertaking on self-restraint” at 2016 Arbitral Award.

Hiniling ng DFA nito sa mga kinauukulang ahensya ng Pilipinas na i-verify at i-validate ang ulat.