Bebot itinumba sa tindahan

TUGUEGARAO CITY, Cagayan, Philippines- Itinumba ng pinaniniwalaang hired killer ang isang 25 anyos na dalagang sales manager sa loob ng pinapasukang nitong tindahan sa Purok 3, Brgy. Bugallon Norte, Ramon, Isabela kamakalwa ng hapon.

Kinilala ni Chief Insp. Genesis Cabacungan, hepe ng PNP Ramon ang napatay na si Sheryl Gammad, kawani ng Lexicon Trading at tubong Saguday, Quirino.

Lumalabas sa imbestigasyon na pinasok ng gunman ang tindahan at doon niratrat ng boga ang dalaga sa harapan ng maraming parukyano. ?Naglikha ng komosyon ang pamamaril kung saan sinamantala ng suspek na humalo sa mga nagsisigawan at nag iiyakang tao upang maakatakas.?

Tatlong basyo ng bala ng kalibre 45 ang narekober sa crime scene. Ayon sa PNP Saguday na wala sa kanilang drugs watchlist ang dalaga kung kaya’t blangko pa si Cabacungan sa motibo ng krimen.