Disbarment vs Harry Roque isinampa sa SC
MANILA, Philippines - Nahaharap sa disbarment sa Korte Suprema si Atty. Harry Roque hinggil sa umano’y paninira at pagkakalat nito ng kasinungalingan laban sa kanyang kapwa abogado na si Kabayan Party-List Representative Ron Salo.
Sa complaint-affidavit ni Salo, dinitalye nito ang ilang mga paninira at alegasyon ni Roque laban sa kanya. Kasama rin sa reklamo sina Atty. Joel Butuyan na umano’y naglabas ng artikulo sa isang pahayagan at si Atty. Rommel R. Bagares, Chief of Staff ni Roque.
Ayon kay Salo, nagsimula siyang makatanggap ng paninira sa pagsisimula ng kampanya ng May 2016 elections.
Wala umano siyang nalalaman na dahilan para siraan siya ni Roque samantalang isinama naman niya ito bilang isa sa mga nominees ng Kabayan partylist.
Giit pa ni Salo, masyado na rin umano raging personal ang paninira ni Roque kung saan sinama nito ang isyu ng kanyang kasal na nagdulot ng emotional pain sa kanya at sa kanyang misis.
“Obviously, these lies and malicious accusations were spread by Roque just to destroy my reputation and to discredit me from the members of Kabayan Partylist,” ani Salo.
Dagdag pa ni Salo na hindi niya sasagutin ang anumang malicious allegations laban sa kanya at sa halip ay pinatatanggalan niya ito ng lisensiya sa Korte Suprema.
“these false accusations, which were obviously made with malice, with the evident intent of destroying his honor and integrity, are in violation of the Code of Professional Responsibility. Lawyers are required by the Code to uphold the highest degree of professionalism and ethical responsibility towards their clients, the courts, the bar, and the public” dagga pa ni Salo.
- Latest
