Drug suspek humabol sa Undas
CAMARINES NORTE, Philippines – Isang baguhang tulak-droga ang humabol sa araw ng Undas makaraang mapatay sa pakikipagbarilan sa mga awtoridad sa isinagawang buy-bust operation sa Barangay Dogongan, bayan ng Daet, Camarines Norte kahapon.
Kinilala ni P/Supt. Wilmor Halamani, acting chief of police, ang napaslang na drug personality na si Ernie “Litik” Gaza.
Batay sa ulat, dakong alas-9:30 ng umaga, isang pulis na nag-poseur-buyer ka-deal ng suspek subalit nakatunog ito kaya agad na kinuha ang kanyang baril subalit mabilis na naunahang putukan ng mga awtoridad.
Nagawa pang maisugod sa Camarines Norte Provincial Hospital subalit hindi na umabot ng buhay si Gaza.
Narekober sa pinangyarihan ng shootout ang pistolized shotgun at ilang plastic sachet ng shabu kung saan wala namang nasugatan sa panig ng pulisya.
- Latest
