1 patay kay ‘Nona’
MANILA, Philippines – Patay ang isang lalaki ngayong Martes matapos mahiwa ng bumaklas na yero dahil sa pananalasa ng bagyong “Nona.”
Kinilala ng National Disaster Risk Reduction and Management Council ang biktimang si Pascual Ausente, 31, ng Allen, Northern Samar.
Multiple lacerated wounds ang ikinasawi ni Ausente matapos tamaan ng bumakalas na yero dahil sa lakas ng hangin ng pang-14 na bagyo ngayong taon.
Naka limang beses nang tumama sa kalupaan ang bagyo, kung saan ang huli nito ay sa Pinamalayan, Oriental Mindoro.
Nakataas ang public storm warning signal no. 3 sa Calamian group of Islands, Oriental at Occidental Mindoro kabilang ang Lubang Island, ayon sa update ng PAGASA kaninang alas-11 ng umaga.
Signal no. 2 naman sa Marinduque Romblon, at Batangas, habang signal no.1 sa Metro Manila, Bulacan, Bataan, Cavite, Rizal, Laguna, Quezon, Burias Island, at Northern Palawan, Aklan at Antique.
- Latest
