Mar kinondena ang laglag bala
MANILA, Philippines – Kinondena ni Daang Matuwid presidential candidate Mar Roxas ang umano’y sindikatong nambibiktima ng mga pasaherong dumadaan sa Ninoy Aquino International Airport.
Tinawag niyang sakim at makasarili ang mga nambibiktima sa mga kapwa Pilipino. “Nabibiktima rito ang ating mga bayaning OFW, pati na rin ang imahe ng ating bansa,” pahayag ni Roxas.
Nanawagan din si Roxas sa mga ahensiyang may pakialam sa sitwasyon sa ating mga paliparan. “Kasama ako ng buong sambayanang umaasa sa mabilis na pagresolba nito,” sabi niya. “Nakaperhiwisyo na iyan. Nagulat at napahiya ang ating mga OFW, turista, mamumuhunan at ordinaryong biyahero. Maaaring tayo ay maging isa sa biktima.”
Hinikayat din ni Roxas ang publiko na maging mapagmasid habang patuloy ang imbestigasyon ng mga awtoridad sa isyu.
Inulit ni Roxas na kailangan masigurong lahat ng dumadaan sa paliparan ay maging panatag na hindi sila mabibiktima ng mga masamang loob, kaya’t dapat maging agaran ang paggalaw ng pamahalaan dito.
- Latest
