12 bagong huwes, iniupo ni PNoy

MANILA, Philippines - Labindalawang mga bagong huwes ang itinalaga ni Pangulong Benigno Aquino III para sa mga korte sa  mga lalawigan ng  Nueva Ecija, Pampanga, Bataan, Cagayan, Apayao, Bulacan, Mindoro, Quezon Province at Romblon.

Ito ang nilalaman sa dalawang magkahiwalay na transmittal letters na ipinadala ng Malakanyang kay Supreme Court  Chief Justice Maria Lourdes Aranal-Sereno.

“I am pleased to transmit herewith the appointment letters of the following signed by His Excellency, President Benigno S. Aquino III,” batay sa transmittal na may lagda ni Executive Secretary Paquito Ochoa Jr..

 KInabibilangan ito nina Judge Greta Mae Balcanao  ng  6th Municipal Circuit Trial Court (MCTC) ng Kabugao-Conner, Apayao; Judge Amy Alafag-Verzola ng 4th MCTC, Luna-Pudtol-Calanasan, Apayao; Judge Catherine Bangi-Allas ng MTC Branch 1 ng Lai-lo, Cagayan; Judge Meliton Galia ng 8th Angadanan-San Guillermo, Isabela; Judge Linda Gumabol ng MTC, Kayapa, Nueva Vizcaya.

Sa Central Luzon, itinalaga naman sina  Judge Percyveranda Alcesto Dela Cruz sa MTC ng  Arayat, Pampanga at Judge Vanessa Fernandez Bernardo-Agawin ng MTC Marilao, Bulacan. Judge Donna Lee Dunuan-Gobway ay iniupo naman sa  3rd MCTC, Looc-Alcantara-Sta Fe-San Jose, Romblon kasama ni Judge Emery Joy Ma  ng 2nd MCTC, Bansud - Gloria, Mindoro Oriental at si  Judge Grandis Rem Tobias Manalabe ng  10th MCTC, San Francisco-San Andres, Quezon.

 Para sa Regional Trial Courts,ang mga bagong talaga ay sina Judge Edralin Reyes ng  Branch 43 Mindoro Oriental habang si Judge Edilwasif Tapsiril Baddiri ay sa Branch 96 ng  Quezon Province.

 Bago sila naitalaga ni PNoy, dumaan sila sa pagsala ng Judicial and Bar Council (JBC)  na binubuo ng  chair na si CJ Sereno, at  ex-officio members, na sina  Senator Aquilino Pimentel III at Iloilo Rep. Niel Tupas at .Justice Secretary Leila de Lima.

Si Retired SC Justice Angelina Sandoval-Gutierrez naman ang pinuno ng Executive Committee at kumakatawan sa Retired SC Justice Sector;  sina Atty. Jose Mejia na kumakatawan sa  Academe, retired Court of Appeals Justice Aurora Santiago-Lagman na kumakatawan sa private sector, at si Atty.  Milagros Fernan-Cayosa mula sa  Integrated Bar of the Philippines (IBP).