Bebot binaunan ng bala sa sentido
MANILA, Philippines – Butas ng bala ang sentido na tumagos sa likod ng ulo ang dahilan ng kagyat na kamatayan ng isang 56-anyos na babae sa Tondo, Maynila, kahapon ng umaga.
Dead-on-the-spot ang biktimang si Susan Villanueva, alyas Susan Kalabaw at residente ng Building 21, Permanent Housing, Tondo.
Sa ulat ni SPO3 Glenzor Vallejo ng Manila Police District-Homicide Section, dakong alas-6:30 ng umaga nang maganap ang insidente sa pagitan ng Bldg. 9 at 10, sa Permanent Housing, Tondo.
Nabatid na umalingawngaw ang dalawang putok ng baril at pagkatapos nito ay nakita sa pagitan ng dalawang building, sa ibaba ang duguang biktima na nakabulagta
Malapitang binaril ang biktima na hinihinalang iligal na droga ang dahilan.
Patuloy pa ring sinisiyasat ang insidente.
- Latest
