De Lima hindi handang tumakbong VP sa 2016
MANILA, Philippines – Wala sa plano ni Justice Secretary Leila De Lima na tumakbo sa pagkabise presidente para sa eleksyon sa susunod na taon.
Sinabi ni De Lima na bukod sa hindi siya handang tumakbo sa ikalawang pinakamataas na posisyon sa gobyerno ay wala pa rin naman siyang natatanggap na alok mula sa Liberal Party.
Napag-usapan ang kaniyang pagtakbo sa pagkabise president matapos sabihin ni Budget Secretary Florencio “Butch” Abad na maaaring maging running mate ni Interior and Local Government Secretary Manuel “Mar” Roxas II.
Sinabi ng kalihim na hanggang sa senado lamang ang kaniyang kayang takbuhan sa paparating na eleksyon.
Wala pa namang pormal na pagdedeklara si De Lima para sa kaniyang mga plano sa 2016, ngunit nagpahiwatig na siya na papasukin na ang mundo ng politika.
Noong kaniyang kaarawan ay sinabi niyang handa na siyang magtungo sa point S mula sa point J.
- Latest
