Pacquiao: The fight is on

MANILA, Philippines – Tuloy na tuloy na ang bakbakang Manny Pacquiao at Floyd Mayweather Jr. matapos gawin ang kaisa-isang press conference ngayong Huwebes ng madaling araw.

Kapwa ikinatuwa ng dalawang boksingero ang nakatakdang sagupaan na halos inabot ng limang taon bago naikasa.

“The fight is on, and you're very excited. We will do our best on May 2 to make you happy,” pahayag ni Pacquiao sa mga reporters na nasa Nokia Theatre sa Los Angeles.

Sa May 2 sa MGM Grand sa Las Vegas gagawin ang laban na tinatayang magiging pinakamayamang bakbakan sa kasaysayan ng boksing.

“It's been a long road but we're here now,” wika ni Mayweather. “This is an unbelievable match-up. Action-packed fight.”

“I've pushed myself to the limit because I never want to win a fight so bad in my life,” dagdag niya.

Naging kalmado naman ang press conference ngunit hindi rin pinalagpas ni Mayweather ang pagkakataon upang pasaringan si Pacquiao at ipagmalaki ang kanyang walang talong kartada.

“When you lose it's in your mind. You lose once, it's in your mind. You lose twice, it's in your mind. From day one, I was always a winner,” ani Mayweather.

Ayon naman sa longtime adviser ni Mayweather na si Leonard Ellerbe maglalaro sa $1,500 hanggang $7,500, ang presyo ng mga ticket.