BI alerto vs terrorists sa Papal visit

MANILA, Philippines – Tiniyak ng Bureau of Immigration na walang makapapasok na foreign terrorist kaugnay sa pagdating sa bansa ni Pope Francis.

Sinabi ni BI Commission Siegfred Mison, bumuo na sila ng task force na mangangasiwa sa seguridad ng Santo Papa na nakatakdang dumalaw sa Pilipinas sa January 15-19, 2015.

Ayon kay Mison, Oktubre pa inumpisahan ng task force ang kanilang preparasyon kabilang na ang planning, service training para sa mga personnel ng task force at survey inspection sa mga lugar na pagdarausan ng aktibidad ng Santo Papa.

Dobleng higpit na rin at monitoring ang ipinatutupad sa mga paliparan para maiwasan ang pagpasok ng mga terorista o sinumang maghahasik ng gulo.

Kasunod nito pinayuhan ng opisyal ang publiko na maging vigilante dahil na rin sa inaasahang dagsa ng foreign visitors.