CGMA nakipaglibing sa apo
MANILA, Philippines - Nakipaglibing kahapon si dating Pangulo at Pampanga Rep. Gloria Arroyo sa kanyang apo sa Makati City.
Lumabas ng Veterans Memorial Medical Center sa Quezon City si Rep. Arroyo pasado alas-8 ng umaga kahapon para makipaglibing sa yumaong anak ni Luli Arroyo.
Ang apo nitong si Jorge Alonso “Jugo” Arroyo Bernas, anak ni Luli Arroyo Bernas ay namatay noong nagdaang Nov. 2 dahil sa congenital heart disease.
For humanitarian consideration ay napayagan si Arroyo na makalabas mula sa ospital kung saan siya ay naka-hospital arrest sa VMMC mula pa noong October 2012 dahil sa kasong graft at plunder dahil sa anomalya umano sa paggamit ng pondo ng Philippine Charity Sweepstakes Office (PCSO).
Naka-hospital arrest sa naturang pagamutan si Arroyo dahil sa mga iniindang sakit sa leeg.
- Latest
