Hi-tech solution sa paghahanda vs kalamidad

MANILA, Philippines - Isang hi-tech solution ang inaalok ng Smartmatic bilang paghahanda sa disaster preparedness sa mga lokalidad sa buong bansa sa pamamagitan ng “Unified Security Platform (USP)”.

Kilala ang kumpanyang Smartmatic na siyang nag-supply ng precinct count optical scan (PCOS) machines sa matagumpay na pagpapatupad ng automated election system (AES) sa bansa noong 2010 presidential election.

“Ang Smartmatic Unified Security Platform ay isang proactive solution na tiyak makatutulong sa atin na maiwasan ang napakalaking pinsala at pagbubuwis ng buhay ng tao,” sabi ni Cesar Flores, president, ng Smartmatic for Asia-Pacific.

Ayon kay Flores, ang pagdating ng may 20 bagyo taun-taon sa bansa kaya kinakailangan ang puspusang pagpaplano at palagiang paghahanda sa pamamagitan ng monitoring mula sa national at local level.

Aniya, ang Smartmatic USP ay isang “scalable, flexible technological platform that allows the interconnection of various security modules under the same operating environment. It can centralize the operations of systems such as emergency call response and mobile unit dispatch, remote video surveillance and telemetry making operating procedures more agile and responsive.”

Nakapaloob sa Smartmatic USP ang communication, control and command center, emergency handling and dispatching, resource management, urban monitoring, alarms and early environment warnings. Kasalukuyang ginagamit ang Smartmatic technological solution systems sa Europe, Asia, Africa, Latin America at United States.