73 Pinoy patay sa TB araw-araw

MANILA, Philippines – Umaabot sa 73 Pilipino ang namamatay araw-araw dahil sa sakit na tuberculosis o TB. Ayon kay Quezon City Rep. Angelina Tan, isa sa may akda ng Comprehensive Tuberculosis Elimination Plan Act, base sa datos ng gobyerno, nasa 200,000 hanggang 600,000 ang may sakit na TB sa kasalukuyan. Sa naturang datos, 80 porsiyento nito ang may latent TB o iyong tinamaan ng sakit subalit walang sintomas nito. Giit pa ni Tan, kahit na mayroon nang gamot sa TB, mabilis itong nakakahawa sa pamamagitan ng droplets ng isang taong may ganitong sakit kapag ito ay umubo o humat­sing. Sa katunayan, ang isang may sakit na TB ay nakakahawa umano ng sampung tao pa kada taon.