Palace off’ls kumasa sa MRT, LRT challenge

MANILA, Philippines - Nakipagsiksikan kasama ng mga train commuters sina Presidential Spokesman Edwin Lacierda at Deputy Presidential Spokesperson Abigail Valte sa MRT-LRT rush hour challenge kahapon ng umaga.

Sinabi ni Sec. Lacierda, sumakay sila ni Usec. Valte ng MRT kahapon bandang alas-8:24 ng umaga sa North EDSA hanggang sa EDSA Taft Station kung saan ay pumila sila ni Usec. Valte sa pagkuha ng ticket.

Ayon kay Lacierda, nakaupo lamang si Usec. Valte sa paghinto sa Ayala station at pagbaba nila sa EDSA Taft Station ng MRT ay sumakay ulit sila ng LRT 1 hanggang sa Central Station sa Arroceros.