‘Batman at Robin’ ibabawal
MANILA, Philippines - Isinulong na sa Senado ni Sen. Tito Sotto ang Senate Bill 2344 na naglalayong ipagbawal ang mga backriders o angkas sa mga two-wheeled motorcycles o motorsiklo na ikinumpara kina “Batman at Robin”.
Ayon kay Sotto, patuloy na tumataas ang bilang ng krimen na kinasasangkutan ng mga ‘riding in tandem’ kaya dapat ng magkaroon ng batas laban dito at mapatawan ng parusa ang mga lalabag.
Sa records ng Philippine National Police, noong nakaraang taon ay umabot sa mahigit 3,000 krimen na sangkot ang mga ‘riding in tandem’ ang naitala sa Metro Manila pa lamang.
“Motorcycle back-riders, most commonly known as the riding-in-tandem criminals have an ample opportunity to commit heinous crimes with impunity because of the facility of getting away from the crime scene by use of a motorcycle which can avoid and wind through even heavy traffic,” ani Sotto.
Pagkabilanggo ng hindi bababa sa anim na buwan pero hindi lalampas sa anim na taon ang ipapataw at multang P20,000 sa unang paglabag at karagdagang P10,000 sa mga susunod na paglabag.
Exempted sa batas kung ang magka-angkas ay mag-asawa o kaya ay magulang at anak, miyembro ng AFP at PNP na gumaganap sa kanilang tungkulin at naka-uniporme.
- Latest
