^

Bansa

Klase sa Pasay at Muntinlupa, suspendido pa rin

Angie dela Cruz, - Pilipino Star Ngayon

MANILA, Philippines - Muling nag-abiso kahapon ang pamahalaang lungsod ng Pasay at Muntinlupa na suspendido pa rin ang klase mula sa preschool,  elementary at high school ngayong araw na ito  (Hulyo 18) dahil sa kawalan pa rin ng supply ng kuryente dahil sa paghagupit ng bagyong Glenda.      

Nabatid, na alas-3:00 ng hapon nang i-anunsyo ni Pasay City Mayor Antonino Calixto,  na wala pa rin pasok ngayon ang  preschool, elementarya at high school  sa mga pampublikong paaralan lamang.   

Kabilang  din sa walang pasok ngayon ang City University of Pasay na public school naman ito.

Sinabi ni   Calixto, na  ilang bahagi ng lungsod ang wala pa ring kuryente habang ang ilang paaralan naman ang kailangang linisin dahil sa binaha ang mga ito.

Ang  mga pribadong paaralan ay maaaring magkani-kaniyang anunsiyo na lamang kung sakaling nais nilang magkansela ng klase dahil sa patuloy pa rin ang pag-ulan kahit wala na sa Metro Manila ang bagyong Glenda.

Samantala inihayag pa ni Calixto,  na nasa 66 bilang ng kapulisan ang ipinakalat sa ilang pangunahing kalsada sa lungsod para ipagpatuloy ang paglilinis dahil sa iniwang mga kalat ng bagyong Glenda.

Ayon kay Pasay City Chief for Operations Senior Inspector Benson Pimentel, ang nasabing mga pulis  ay i-di-deploy sa mga lugar na may mga naiwan pang mga nagtumbahang puno, kahoy at poste.

Kung saan  suot ng mga ito ang kanilang Search and Rescue (SAR) Uniform (blue PNP t-shirt at camouflage pants) na may mga dalang pala, cutter at iba pang gamit sa kanilang isasagawang clearing operations.

Kabiilang sa mga iikutan ng mga pulis ay ang area ng Roxas Boulevard, EDSA-Buendia Avenue  at Philippine International Convention Center (PICC).

Maging ang pamahalaang lungsod ng Parañaque ay nag-anunsyo din na wala pa ring pasok sa eskuwela ang mga nasa preschool, elementary at high school mula sa public at private.

Ayon naman  kay Tess Navarro,  hepe ng Public Information Office (PIO) ng Muntinlupa City,  na hanggang sa ngayon ay suspendido pa rin ang pasok sa mga eskuwela dahil sa kawalan pa rin  ng supply ng kuryente dahil sa maraming poste ang natumba.

Sinabi pa ni  Navarro, na nagdeklara na rin ang  pamahalaang lungsod ng Muntinlupa ng state of calamity sa naturang lugar.

 

AYON

BUENDIA AVENUE

CALIXTO

CITY UNIVERSITY OF PASAY

DAHIL

GLENDA

METRO MANILA

MUNTINLUPA

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with
-->