P200M grand lotto prize wala pa ring nananalo

MANILA, Philippines – Agawan pa rin ang buong bansa para sa higit P200 milyong premyo sa Grand Lotto 6/55 ng Philippine Charity Sweepstakes Office (PCSO) matapos walang manalo sa ginawang bolahan kagabi.

Ayon sa website ng PCSO, walang tumama sa winning combination na 26-04-25-33-38-18 na may katapat na premyong P201,462,604.

Sa halagang P20 ay maaaring makapagtaya ang sinumang nasa edad P18 pataas ng anim na numerong kombinasyon.

Binobola ang grand lotto tuwing Lunes, Miyerkules, at Sabado.

Samantala, wala pa ring nakakapag-uwi ng P63,400,280 na premyo sa Mega Lotto 6/45 matapos lumabas ang kombinasyong 23-38-05-04-28-45.

Hangga't wala pang nanalo ay patuloy na lalaki ang papremyo.