Alcala kinasuhan ng plunder

MANILA, Philippines - Kinasuhan ng plunder sa tanggapan ng Ombudsman si Agriculture Secretary Proceso Alcala kaugnay ng umano’y naging papel ng kalihim sa pork barrel fund scam.

Ayon sa complainant na Youth Act Now, hindi maaaring makaligtas sa kaso si Alcala dahil lamang sa pagiging kaalyado ito ni Pangulong Noynoy Aquino.

Pauna lamang anya ang pagsasampa ng kasog plunder kina Sens. Juan Ponce Enrile, Jinggoy Estrada at Bong Revilla at dapat na madagdagan pa ang mga ito ng mga opisyal ng gobyerno na nagkasala sa batas.

Una nang niliwanag ng Palasyo na wala silang sisinuhin sa mga kinakasuhan sa Ombudsman dahil hands off sila rito kahit na mga kaalyado pa nila ang kasuhan.