Bangayan pinakakasuhan ng perjury

MANILA, Philippines - Pinakakasuhan ng  perjury ng Department of Justice (DOJ) ang hinihinalang rice smuggler na si Davidson Bangayan.

Batay sa resolusyong pirmado ni Prosecutor General Claro Arellano, nakitaan ng probable cause para kasuhan ang negos­yante alinsunod sa reklamo ng Senate Committee on Agriculture and Food.

Nag-ugat ang kaso sa pagsisinungaling umano ni Bangayan sa pagdinig ng komite hinggil sa rice smuggling kung saan paulit-ulit na itinanggi nito na siya at si David Tan na sinasabing rice smuggling king ay iisa sa kabila ng mga dokumentong nagpapatunay nito.

Matatandaang lumabas ang isang affidavit kung saan sinabi ni Ba­ngayan na siya rin si David Tan.

Kakasuhan si Banga­yan sa Pasay Metropolitan Trial Court.