Ping pangalanan mo ang 2 opisyal - Chiz

MANILA, Philippines - Hihilingin ni Sen. Chiz Escudero kay Rehabilitation Czar Panfilo Lacson na pangalanan nito ang dala­wang miyembro ng Gabinete ni Pangulong Aquino­ na nagiging sanhi ng pagtagal ng rehabilitasyon sa mga lugar na sinalanta ng bagyong Yolanda.

Sa isang press conference kahapon, sinabi ni Escu­dero, chairman ng Senate Committee on Finance­ na mas mabuting tukuyin ni Lacson ang dala­wang opis­yal kaysa itago na naman ang mga ito sa pa­ma­ma­gitan ng blind item.

Bagaman at walang kaugnayan sa isyu ng bag­yong Yolanda, matatandaan na hindi rin pinanga­lanan ni Lacson ang mga senador at iba pang opis­yal na sangkot sa pork barrel fund scam na nasa listahang ibinigay sa kanya ng asawa ni Janet Lim-Napoles.

Naniniwala si Escudero na dapat lamang malaman ng mga mamamayan kung sino ang dalawang miyembro ng Gabinete na binabanggit ni Lacson na nagpapasakit ng kanyang ulo at hindi nakikipag­tu­lungan sa kanya.

Tanging si DPWH Sec. Rogelio Singson pa lang ang nagsusumite ng cluster habang kasama sa mga hindi pa nagsusumite ang cluster ni DSWD Dinky Soliman­.