65 sentimong dagdag singil para sa Enero hirit ng Meralco
MANILA, Philippines - Sa halip na 45 sentimo, humihirit ang Manila Electric Company (Meralco) ng 65 sentimong dagdag-singil sa kada kilowatthour (kWh) ng kuryente para sa buwan ng Enero 2014.
Ipinaliwanag ng MeÂralco na sa kanilang pagkukuwenta ay dadagÂdagan pa ng buwis ang P0.45/kWh na kailangang ipasa sa mga konsyumer kaya ito papalo sa P0.65.
Noong Huwebes ay inanunsyo ng Meralco na P0.45/kWh lang na geneÂration charge ang ipapataw nila sa mga konsyumer dahil sa idineklarang maling presyuhan ng kuryente ng Energy Regulatory Commission (ERC).
Mas mababa na ito kumpara sa naunang inilabas na kalkulasyon ng Philippine Electricity Market Corporation (PEMC) na dapat sa presyong P3.02/kWh ang dagdag-singil noong Enero.
Plano naman ng Meralco na ipatupad ng unti-unti ang naturang dagdag-singil sa loob ng anim na buwan o 10 sentimo kada buwan.
- Latest