HDO pinalabas vs ex-solon
MANILA, Philippines - Nagpalabas ng Hold Depature Order ang Sandiganbayan laban kay dating Bacolod Rep. at ngayo’y Bacolod City Mayor Monico Puentevella.
Sa ipinalabas na HDO na nilagdaan nina Justice Gregory Ong, Justice Cristina Cornejo at Justice Jose Fernandez ng 4th Division ng Sandiganbayan, inatasan nito ang Bureau of Immigration na huwag payagang makalabas ng bansa si Puentevella at dalawa nitong kapwa akusadong sina Victoriano Tirol, dating regional director ng Department of Education Region 6 at Jessie Garcia, chairman of the board ng Merryland Publishing Corporation.
Ang kaso ay may kinalaman sa umano’y maanoÂmalyang pagbili ng mga computer noong kongresista pa si Puentevella na may halagang P25 milyon gamit ang kanyang Priority Development Assistance Fund (PDAF) mula 2002 hanggang 2007.
Sinasabing hindi duman sa public bidding ang pagbili ng computer packages sa Merryland sa halagang P400,000 bawat isa na anila’y overpriced bukod pa sa umano’y depektibo at hindi gumagana ang mga computer.
- Latest
