Pagpipiyansa ni Napoles ibinasura uli ng korte

MANILA, Philippines – Ibinasurang muli ng korte ang apela ng negosyanteng si Janet Lim-Napoles na makapagpiyansa para sa kasong serious illegal detention.

Sinabi ni Justice Secretary Leila de Lima na hindi lumusot sa Makati City Regional Trial Court RTC ang motion for reconsideration ni Napoes.

Kasalukuyang nakakulong si Napols sa Fort Sto. Doming sa Sta. Rosa City Laguna matapos sampahan ng pork barrel scam whistleblower Benhur Luy.

Ayon sa batas, walang piyansa ang kasong serious illegal detention.

Bukod sa kinakaharap na kaso ay inireklamo rin ng Deparment of Justice si Napoles dahil sa umano’y pagpapatakbo ng pork barrel scam.

Samantala, sinabi kahapon ng Philippine National Police na gumagastos sila ng P150,000 kada buwan para kay Napoles.

Kaugnay na balita: PNP gumagastos ng P5K kada araw kay Napoles

"(The PNP is spending) P150,000 every month in guarding Napoles. (Inclusive of) collateral expenses -- utilities, operational expenses," wika ni Chief Superintendent Reuben Theodore Sindac, PNP-Public Information Office head.

" [The funds are spent  for] maintenance and operating expenses, utilities, food of the security and food for Napoles...," paliwanag ni Sindac na aniya’y dagdag gastos para sa kanila.