Media, kolumnista pinasaringan ni PNoy

MANILA, Philippines - Pinasaringan ni Pangulong Benigno Aquino lll ang media at kolumnista na walang ginawa kundi batikusin ang kanyang administrasyon.

Sinabi ni Pangulong Aquino, may mga mamamahayag at kolumnista na nabubuhay sa negativism.

Ayon sa Pangulo, dapat daw itaas ang level ng public discourse o paghahatid ng mga balita sa publiko sa halip na gatungan pa ng hindi makatwirang espekulasyon at intriga lang na nakadadagdag sa pambansang pagdurusa. 

Natutuwa naman ang Pangulo dahil sa halip na paniwalaan ng publiko ang kanyang mga kritiko, mas pinili ng mga ito na tahakin ang daan ng positivity and solidarity. 

“The naysayers, the irrational critics, the vested interests who measure their success through their ability to sacrifice the well-being of the nation to pursue their own, selfish agenda—all of them have been left in the dust by a nation that no typhoon, no faction, and no irresponsible columnist can break. Our people have proven themselves more united, more discerning, more cooperative, and in particular, more committed to making change permanent than those who once tried to take advantage of them,” sabi ng Pangulong Aquino.