Naistranded na dugong na-rescue ng DENR
MANILA, Philippines - Nailigtas ng isang team mula sa Biodiversity MaÂnagement Bureau ng Department of Environment and Natural Resources (BMB-DENR) ang isang dugong o seacow na napadpad sa baybaying dagat ng Barangay Binulasan sa Infanta, Quezon.
Sinabi ni BMB Director Ma. Theresa Mundita Lim, ang batang dugong ay nakita ng mga mangingisdang sina Michael at Manuelito Nolledong na na- stranded sa naturang baybayin dagat kaya’t agad silang humingi ng tulong sa local DENR office para maisalba ang dugong.
“Fortunately, when the report of the stranded dugong came in, a technical staff from our CALABARZON office, Forester Jeff Cruz, was in the area so he led the rescue, including the gathering of necessary data,†pahayag ni Lim.
Sinasabing nag low tide sa lugar kayat na stranded ang dugong na may habang 1.06 meters at nailipat ito sa ligtas na katubigan sa barangay Dinahican, Infanta pero ibabalik agad sa dagat oras na kumalma ang malalaking alon doon.
Ani Lim ang dugong ay isang endangered species kayat bawal itong hulihin at ibenta at ang sinumang lalabag sa batas sa ilalim ng Republic Act 9147 o ang Wildlife Resources Conservation and Protection Act ay mabibilanggo ng mula 6 hanggang 12 taon at multa na mula ₱100,000 hanggang ₱1 milyon.
- Latest
