Texas explosion, higit 200 sugatan
MANILA, Philippines - Matapos ang naganap na twin bombing sa Boston Marathon sa Massachusetts, isang malawakang pagsabog ang naganap sa isang fertilizer plant sa Waco, Texas, USA na sinasabing 60-70 katao ang posibleng nasawi habang mahigit 200 iba pa ang sugatan.
Ayon sa Department of Foreign Affairs (DFA), nagmistulang war zone ang West Fertilizer plant sa Waco nang biglang umalingawngaw ang matinding pagsabog bago mag-alas-8 ng gabi kamakalawa (oras sa Texas).
Nadamay ang halos 50-75 gusali, kabahayan at apartment complex sa lugar na ikinasawi at ikinasugat ng daan-daang mga manggagawa ng planta at residente sa lugar na dinala sa iba’t ibang pagamutan.
Minomonitor na ng Embahada ng Pilipinas sa Washington at Phl Consulate General sa Los Angeles kung may Pinoy na nadamay sa insidente.
Sinabi ni Hernandez na naka-concentrate ang Pinoy population sa Houston at Dallas at may kabuuang 160,000 Pinoy ang nasa Texas.
Nagpadala na ang US Chemical Safety Board ng kanilang investigation team upang siyasatin kung ito ay sinadya mula sa terrorist group o buÂnga lamang ng aksidente at kapabayaan.
- Latest
