Smuggling labanan, magsasaka sagipin!
MANILA, Philippines - Kailangang labanan at tugisin ng gobyerno ang laganap na smuggling kung gusto nitong sagipin ang kita’t kabuhayan ng mga magsasaka.
Ito ang giit ni Team PNoy senatoriable Benigno Bam Aquino, na kasalukuyan ay umiikot sa Region II at nakikipag-konsulta sa mga mamamayan sa nasabing rehiyon.
Ani Aquino, ang rice smuggling ay ang paÂngunahing dahilan kung bakit nahihirapan ang mga magsasakang kumita at umasenso.
Ayon pa sa nakababatang Aquino, na suportado ng kanyang pinsang si Pangulong Noynoy Aquino, nahihirapang ibenta ang bigas na galing sa Cagayan Valley dahil sa talamak na pagpasok ng iligal na bigas galing Vietnam at Tsina sa merkado.
Giit ni Aquino na kaÂilaÂngan aniya na may masampolang big-time smuggler para ipakita na seryoso ang gobyerno sa pagtugis sa problemang ito.
- Latest
