140k napa-graduate ni Recom
MANILA, Philippines - Umabot sa 140,000 katao ang nabigyan ng kaalaman sa pamamagitan ng Manpower Training na ipinagkaloob ni Caloocan City Mayor Enrico “Recom†Echiverri na naging daan upang makakuha ng trabaho at mapagkakakitaan ang mga ito.
Sa ulat na isinumite ng Labor and Industrial Relations Office (LIRO) sa tanggapan ni Echiverri, kabilang sa bilang na ito ang nagtapos sa In-Center Training, Outreach Training, Livelihood Training at Caravan sa mga barangay.
Sa In-Center Training, umabot sa 24,551 ang nagtapos habang sa Outreach Training naman ay 3,834 ang nag-graduate samantalang sa Livelihood Training ay mayroong 64,520 at sa Caravan ay 47,095 ang nagkaroon ng training.
Ilan din sa mga nagtapos ang nakatanggap ng starter kits mula kay Echiverri at sa Technical Education and Skills Development Authority (TESDA).
Sinabi naman ni Echiverri na tuloy-tuloy ang pagbibigay ng kanyang administrasyon ng ganitong klaseng proyekto dahil isa itong malaking tulong sa mga kabataang hindi nakapagtapos ng pag-aaral.
- Latest
