Tubig sa mga dam sa Luzon bumaba
MANILA, Philippines - Bumaba ang level ng tubig sa mga dam sa Luzon dulot ng patuloy na pag-init ng panahon sa bansa.
Ayon kay Elmer Karingal, hydrologist ng Pag Asa, karaniwang epekto ng pagpasok ng tag-init ang pagbaba ng water level sa mga water reservoir dahil sa madalang na pag-ulan at pag-abot na sa 37 celcius ng temperatura sa Luzon.
Pero kung titindi pa anya ang mataas na temperature, patuloy na bababa ang level ng tubig dahil mabilis din ang evaporation process na nakakadagdag sa mabilis na pagbawas ng tubig dito.
Ang Magat Dam sa Isabela na isa sa pangunahing pinagkukunan ng inuming tubig ay bumaba na sa 174 metro mula sa 180 metro na normal nitong antas.
Nangangamba ang mga magsasaka na buÂmagsak din ang kanilang produksyon ng mga gulay at iba pang pananim kung tatagal ang matinding init.
Gayunman, sinabi ni Karingal na maiiwasan naman ito kung magsasagawa ang pamahalaan ng solusyon sa problema tulad ng cloud seeding operation.
Nitong Martes, pumalo sa 37 degrees Celsius ang temperatura sa TugueÂgarao City; 35.3 degrees Celsius sa Ilagan, Isabela; kamakalawa ay 36 degrees Celsius sa Subic, Zambales habang sa Metro Manila ay 34.9 degrees Celsius.
- Latest
