Poultry meat sinunog ng BOC
MANILA, Philippines - Sinunog ng Bureau of Customs (BoC) ang tinatayang aabot sa 60 tonelada ng mga smuggled poultry meat na nagkakahalaga ng P40 million sa First Link Container Yard sa Manila North Harbour kahapon.
Ayon kay Customs Commissioner Ruffy Biazon, ito’y upang matiyak na hindi maipupuslit palabas sa merkado ang mga kotrabandong ito lalo na at malapit na ang Pasko.
Sinabi ni Biazon na sa pamamagitan nito ay maiiwasan ang anumang pagkakasakit ng publiko mula sa mga puslit at kontaminadong pagkain na maaaring ihanda ngayong Yuletide season.
Aniya, doble ang kanilang ginagawang monitoring at checking upang hindi malusutan ngayong holiday season ng mga sindikato at mga mapagsamantalang negosyante.
Nabatid na lulan ng dalawang containers ang P40 milyong halaga ng kontrabando na galing sa China at idineklara ng consignee na HEXA Trading bilang frozen mackerel subalit nasabat ng Customs nang idaan ito sa x-ray machines.
- Latest
