TV programs pinagagamit ng sign language
MANILA, Philippines - Maoobliga na ang mga television network na gumamit ng sign language sa kanilang mga programa.
Ito’y matapos aprubahan ng Kamara sa ikatlo at huling pagbasa ang House Bill 6709 na substitute bill ng House Bills 4121, 1055 at 3838 na layuning maunawaan ng mga may kapansanan sa pandinig ang lahat ng local news.
Dahil dito kaya’t oobligahin na ang mga tv stations na magkaroon ng Filipino sign language at paglalagay ng caption o subtitles sa dalawang newscast programs kada araw gayundin sa mga special programs na tumatalakay sa national significance.
Gayundin ang lahat ng free-to-air-television stations na maglagay ng Filipino sign language sa ibang mga programa na nagpapalabas tungkol sa kultura, pangkabuhayan at mga programang pambata.
Dahil sa nasabing panukala ay makakatulong umano ang broadcast media sa mga may kapansanan sa pandinig na makialam sa mga pangyayari sa bansa
- Latest
- Trending
