MANILA, Philippines - Asahan ang mas matinding bigat na daloy ng trapiko sa Metro Manila sa mga susunod na araw.
Simula alas-10 kagabi ay ipinagpatuloy na ng DPWH-NCR ang pagkukumpuni sa mga lansangan.
Tatagal nang hanggang alas-4:00 ng madaling-araw sa Lunes, September 10 ang pagsasaayos ng ahensiya sa mga sirang kalsada.
Ilan sa mga apektadong lansangan ay ang C.M. Recto, Manila sa pagitan ng asangkay St. at A. Rivera St.; C-2 Tondo, Manila sa pagitan ng Imelda St. at Velasquez St.;
Road 10 (R 10) Tondo, Manila sa pagitan ng C-2 at Shell station patungong Navotas; EDSA, Quezon City (northbound) sa pagitan ng Quezon Avenue at North Ave. 4th lane mula sa center island.
Ganundin ang EDSA, QC (southbound) sa Walter Mart at Bansalangin St. 1st lane mula sa sidewalk; EDSA, Mandaluyong City (northbound) Berkeley St. at Poveda St.; EDSA, Mandaluyong City (southbound) sa SMDC/Boni Avenue at Apo St.
Sa Caloocan City, apektado ang Rizal Avenue extension, Caloocan City (southbound) kanto ng C-3 Road; Samson Road, Caloocan City (westbound) Masagana St. at Heroes St; Samson Road, Caloocan City (westbound), University Avenue at Bisig ng Kabataan St.