Dahil sa aktibong mga fault Geohazards maps tignan muna bago magtayo, bumili ng bahay

MANILA, Philippines -  Pinayuhan ni Environment and Natural Resources Secretary Ramon Paje ang mga real estate developers at mga prospective buyers ng lupa’t bahay o lote na kumuha muna ng geohazard maps mula sa  Mines and Geosciences Bureau (MGB) upang matiyak na hindi maaapektuhan ng lindol ang ari-arian at kanilang buhay.

Sinabi ni Paje, ang geo­hazard maps ay maa­ aring makita sa websites ng DENR (www.denr.gov.ph), MGB (www.mgb.gov.ph), Philippine Information Agency (www.pia.gov.ph) at Environmental Science for Social Change (www.essc.org.ph).

Ginawa ang hakbang upang matulungan ang publiko na huwag masa­yang at hindi maglahong parang bula ang pinaghirapan kapag bumili ng lupa o ng bahay at lupa sa alinmang panig ng bansa.

Sa geohazard mapping at assessment program ng DENR, ang ilan sa top 10 flood-prone areas ay ang Metro Manila, Pampanga, Nueva Ecija, Tarlac, Pangasinan, Maguindanao, Bulacan, North Cotabato, Oriental Min­ doro at Ilocos Norte.

Ang top ten landslide-prone areas naman ay ang Benguet, Mt. Pro­ vince, Nueva Ecija, Ka­linga-Apayao, Southern Leyte, Abra, Marindu­que, Cebu, Catandua­nes at Ifugao.