MANILA, Philippines – Namagitan na si House Speaker Feliciano Belmonte sa tumitinding awayan ng pro at anti-RH na mga kongresista matapos ang tension sa plenary.
Ito ay matapos na pulungin ni Belmonte kahapon ang mga kongresista na tutol sa Reproductive Health (RH) bill.
Layunin umano nito na kumbinsihin ang mga anti-RH Congressmen na pumayag sa pagbuo ng isang katanggap-tanggap na bersyon.
Ang Kamara ay bumubuo ng Informal Technical Working Group (TWG) na maglalatag ng amyenda sa panukalang batas.
Kasama rin sa iimbitahan sa magiging pulong ng TWG ang Catholic Bishops Conference of the Phi lippines (CBCP) bagamat hindi pa batid kung kailan magaganap ang pulong na ito.
Samantala, iminungkahi naman ni House Minority Leader Danilo Suarez na ituon ang RH bill sa mga pinakamahihirap na pamilyang Pinoy.
Nais din ni Suarez na huwag ng ipilit ang pagsasabatas ng RH bill at ipaloob na lamang sa Conditional Cash Transfer (CCT) program ang pamamahagi ng mga contraceptives.