Robredo hirit ihimlay sa Libingan ng mga Bayani

MANILA, Philippines - Inihirit ng ilang kongresista na ihimlay sa Libingan ng mga Bayani si DILG Secretary Jesse Robredo.

Ayon kay Aurora. Rep. Sonny Angara, si Robredo ay maituturing na isang ‘modern hero’ kaya nararapat na dalhin sa huling hantungan sa Libingan ng mga Bayani.

Labis na ikinalungkot ni Angara ang biglaang pagpanaw ni Robredo dahil ang daang matuwid ay nawalan ng isang ‘champion’.

Ang pinaka-mainam na tribute umano na maipagkakaloob kay Robredo ay ituloy ang mga isinulong nitong pagbabago para sa bansa.

Ikinalungkot din ni Ang Kasangga party-list Rep. Teodorico Haresco ang nangyari kina Robredo at dalawang kasamang piloto.

Sinabi ni Haresco, malaking kawalan sa bansa si Robredo dahil matapat nitong ginampanan ang kanya trabaho bilang Secretary ng DILG.

Ang naipakita ni Robredo na ehemplo bilang isang serbisyo publiko ay dapat tularan ng mga maninilbihan sa ating gobyerno sa darating na panahon.